Ruta San Sebastian

No concello veciño de Touro, máis concretamente na parroquia de Loxo, atopamos un mirador fermoso, o Mirador do Couto de San Sebastián, que nos mostra desde o máis alto, a unha altitude de 395 m, vistas tan espectaculares como a zona gandeira de Bama (Touro), o Pico Sacro (Boqueixón), o aeroporto Rosalía de Castro (Santiago), O Pedrouzo (O Pino) e a mina de Touro. Na cima do mirador atópase un castro e na antigüidade albergou a capela de San Sebastián, pero na actualidade atópase na parte baixa do mirador, onde se celebra a romaría o primeiro fin de semana do mes de xullo. Para chegar a este destino, atravesanse diversas parroquias do concello de Touro, e pasanse por lugares realmente espectaculares.